Mendi Maratoi Erdian Lujanbio eta Jimenez garaile
Mendi Maratoi Erdian, 138 korrikalariren artean, Osin Trail taldeko Hodei Lujanbio goizuetarra izan zen bizkorrena (1.49.18). Mikael Etcheverryk (1.50.20) eta Arroniz KTko Miguel Mujikak (1.50.24) osatu dute podiuma. Aipatzekoa da Manttaleko Ibon Erdozain beratarra seigarren izan zela (1.56.07) eta Gartxot Iribarren zortzigarren (1.57.33).
Emakumezkoen artean, berriz, Soronea Ammma taldeko Maddalen Jimenez beratarra izan da bizkorrena (2.11.24), Olatz Salaberria azpeitiarra bigarren (2.20.02) eta Miren Goikoetxea hirugarren (2.21.44). Sarak Korrikako Ihintza Larralde laugarren izan zen (2.28.32) eta Beti Gazteko Mayi Arriola lesakarra bosgarren (2.32.07).
Gaueko Lanak lasterketan Latorre eta Combarieu irabazle
Gaueko Lanak lasterketari dagokionez, 228 korrikalari parte hartu zuten eta Asier Latorre izan zen bizkorrena (59.39), Hodei Lujanbio goizuetarra bigarren (1.01.08) eta Asier Juanbeltz hirugarren (1.02.37). Emakumezkoetan, Urruñako Maud Combarieu izan zen lehenbizikoa (1.13.43), Olatz Salaberria bigarren (1.18.27) eta Zornotzako Izaro Zamalloa hirugarren (1.18.51).
Konbinatuan, Lujanbio eta Salaberria nagusi
Gauzak honela, bi lasterketak bukatu zituzten hamasei korrikalarien artean Hodei Lujanbio goizuetarra (2.50.26) eta Olatz Salaberria azpeitiarra (3.38.35) izan ziren bizkorrenak. Emakumezkoetan, Sara Korrikako Ihintza Larralde bigarren izan zen (3.51.39) eta gizonezkoetan, Ulibeltzak taldeko Eneko Urroz sunbildarra seigarren izan zen (3.25.49).
