Senpereko aintzirako proiektu erraldoiaren kontrako piknik herritarra eginen dute uztailaren 26an

Ttipi-Ttapa 2026ko uztailaren 24a

Aintzirako auzoko jendeak haserre gorrian daude eta herritar gehienak proiektu erraldoiaren kontra azaldu dira.

Senpereko aintziran ezin konponduzko tira-bira sortu da KHA2 enpresarekin eta, dirudienez, afera konplexu honek auzitarako bidea hartuko du. Otsailaren 20an, hauteskundeen bezperan, aitzineko kontseiluak hitzarmen bat izenpetu zuen Aquazone ariketak kudeatzen duen enpresarekin. Nola negoziaketek ez duten aterabiderik eskaini, gaurko Herriko Etxeak, frantziar estatuaren bidea segituz, ezeztatu nahi du hitzarmen hori.

Igandean 12:00etan izanen dute hitzordua lakuan ‘Kasu senpertarrak kexu!’ goiburupean

Auzoko jendeak haserre gorrian daude, herritar gehienak ere proiektu erraldoi horren kontra azaldu dira. Horregatik, elkarretaratzea deitu dute uztailaren 26an, igandean 12:00etan eta lakuan piknik herritarra eginen dute, ‘Kasu senpertarrak kexu!’ goiburupean.

Proiektuaren arabera, egitura puzgarriek aintzira erditik baraderaren kontra jin behar lukete, baita puzgarrien herrixka bat eraiki urtegiaren pean, snack eta mini golfa, bertzeak bertze.

Gizartea Xareta Senpere

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun