Suharriagako parkean izanen da eta nork bere burua zaintzen ikasteko atelierrak ere izanen dituzte, aroaren arabera, Anatomiak antolaturik
Bere argazki argitsuetan, Fanfanek Sararen arima sentibera agerian ezartzen du: etxeak, ura, paisaiak eta oroitzapenak bat egiten dute iraganaren eta orainaren arteko ibilbide artistiko batean. Parkearen sarreran erakusketaren aurkezpena ikusten ahalko da eta ondotik bi QR kode: bat erakusketaren katalogoa deskargatzeko eta bigarrena galdera-erantzunen jokoa deskargatzeko zuzenean smartphonean erabiltzeko modukoa. Zozketa agorrilaren 17an egina izanen da eta sarien banaketa orduan eginen dute.
Nork bere burua zaintzeko atelierrak
Aroaren arabera, nork bere burua zaintzen ikasteko atelierrak ere izanen dituzte, Anatomiak antolaturik, denei irekiak: Mugimendua, arnasketa eta kontzientzia, zentzumen bidezko murgiltze bat bizitzeko.