Aspaldixkotik Dantxarineko Landibar bentaren azpian karpa handi bat ikusten zen eta, ekainaren 8an, karpa handi hura 1.400 pertsonekin leporaino bete zen. Urdazubiko herriak berak dituenak baino mila lagun gehiago elkartu ziren ospakizunean. Arrazoia: Martiko enpresak 40 urte bete dituela eta Venta Peiok 30 urte. Nahikoa motibo ospakizun handi bat egiteko Martiko enpresa-talde osoko langile, langile ohi eta gainerako gonbidatu guztiekin.
Martiko taldearen ibilbidea laburbiltzen duen bideo bat ere ikusi zuten gonbidatuek. Urteurrenaren karietara, Martiko taldeko enpresa guztiak itxita zeuden astelehenean, ekainaren 8an, eta langile guztiak Dantxarinera gonbidatuak urteurrena ospatzera. Zorionak!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.