Zigako aizkolariak pena handia zuen maila galtzeagatik, «baina ez dut pentsatzen nuen lana egin, egun txarra izan dut eta egiten ez bada, ordaindu egitean da. Egin dudan denbora ez da lehen mailakoa». Orain, berriz ere lehen mailara bueltatzea du helburu, baina horretarako, duela urte eta erditik honat eskuin hankako giharretan izaten dituen oinazeak gainditu beharko ditu, «ehuneko ehunean jarri nahi dut, edo minik ez sentitu behinik behin, horrek psikologikoki ere egiten baitit. Aitarekin eta taldearekin solastatua dut eta min hau gainditzen ez badut, beharbada erretiroa hartzea ere pentsatu beharko dugu».
Igande eguerdian Dantxarinean jokatutako kanporaketan Eneko Saralegi nagusitu zitzaion
Nafarroako lehen mailako aizkolari txapelketako jautsiera kanporaketa jokatu zuten igande eguerdian Dantxarinean Zigako Joxean Etxeberriak eta Eneko Saralegik. Bosna enbor moztu behar izan zituzten, bi kanaerdiko, bi 60 ontzako eta oinbiko bat eta Saralegi izan zen bizkorrena (19 minutu eta 33 segundo). Joxean Etxeberriak, berriz, 21 minutu eta 39 segundo behar izan zituen eta bigarren mailara jautsiko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun