Hondarribiko sorgin ehizari buruzko lana aurkeztuko du Zugarramurdiko taldeak ortziralean,19;30ean, Sorginen Museoan
Sorgin Haizea antzerki taldea 20 lagunez osatua zen, eta sorgin ehizarekin zerikusia zuen ikuskizun ederra eskaini izan zuen hainbat tokitan (bai Euskal herrian, baita Madril, Aragoi eta Katalunia aldean ere), 2008. urtean hasi eta 2019. urteraino. Talde handi hartatik zortzi lagun animatu dira orain aipatzen dugun ikuskizunean.
'Maria de Illarra' liburua
Antzerki emanaldiaren ondotik, Maria de Ilalrra liburuaren aurkezpena izanen da. Hondarribiko akusatutakoetako bat da andre hau, eta Xabier Susperregi idazleak bere omenez idatzitako liburua da.
Xabier Susperregi ezaguna dugu herrian, berak idatzi baitzuen Iangoneko bordako Migel Mari Iturbideren heriotzari buruzko liburua 2022. urtean. Ondorioz, urte horretako azaroan oroitzapen omenaldi bat egin zitzaion Migel Mariri.