Aipatzeko da sasoi honetako betiko komedia errepikatu dela Zugarramurdin: mendiko lar eta oteei su ematea. Aste Saindu ondoko astean zaintzarik gabeko lau sute izan ziren Arleun, Irakutz eta Mendibil artean. Suhiltzaileak, helikoptero eta guzti, etorri ziren. Mendia garbitzea ongi dago, baina baimena eskatzea eta segurtasun neurriak beharrezkoak direla gogorarazi dute. Zugarramurdiko Herriak laguntza eskaintzen du baimen hori eskatu nahi dutenentzat. Mendian hondamendiren bat izateko arriskua saihestuko da horrela, eta ez dira baliabideak alferrik gastatutako (suhiltzaileen kamioiak, helikopteroa, eta abar… denen artean ordaintzen dugu).
Herrian suteren bat gertatuz gero zer egin jakiteko, formazio ttiki bat antolatu dute apirilaren 18rako (larunbata), 09:00etatik 11:00etara, Zugarramurdiko herriko etxean. Arras praktikoa izanen da: mangerak zer tokitan dauden eta nola lotzen diren ikasi, nola erabiltzen diren… Animatu!
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun