Orotara 120 idazleren, 20 argitaletxeren eta zenbait elkarteren lanak plazaratu dituzte
Aurtengo programazioa zabalagoa izan da. Igande arratsean, Santa Katalina kaperan egin Hiru emazte kantari gogoan kontzertuarekin hasi zen biltzarra, eta profesionalen eguna ospatzen ari dira gaur. Orotara 120 idazle, 20 argitaletxe eta bertze hainbertze elkarte bildu dira aurten Saran, berriz ere euskal literaturaren produkzioaren hiriburu bilakatuz eta irakurlearen eta idazlearen arteko harremana sustatuz.
Bertze hainbertze libururen artean, Euskaltzaindiak ere Euskararen Erakunde Publikoaren laguntzaz argitaratutako bi liburuak aurkeztu zituen, Junes Casenace-Harigileren Olerki bildüma eta Jon Casenaveren Euskal klasikoen bila entsegua. Aurkezpenean izan ziren Itxaro Borda Euskaltzaindiko presidente ordea eta Ttitto Bebdeber, Euskararen Erakunde Publikoko zuzendaria, baita bertze zenbait euskaltzain ere, tartean, Paxkual Rekalde amaiurtarra.
