Denei irekitako ikastaroak urririk izanen dira. Izena emateko kultura@sare.fr helbide elektronikora idatzi edo 06 16 68 65 98 telefonora deitu (Jose Cazaubon, kultura teknikaria).
Ihauteriak otsailaren 14an eta 15ean
Ihauteriak otsailaren 14n eta 15ean ospatuko dituzte Saran, baina aitzinetik eta ondotik, hainbat ekitaldi antolatu dituzte. Astelehenetako dantza tailer irekiez gain, ikastetxeetan ere ari dira ihauterietako dantzen atelierrak egiten urtarrilaren 12tik otsailaren 6ra. Urtarrilaren 31n, larunbatean 10:30ean, Thierry Truffauten konferentzia izanen dute herriko etxean (frantsesez), janari bilketa eta partekatzea (etxez etxe) gaitzat hartuta. Otsailaren 9tik martxoaren 1era ihaute erakusketa izanen dute Sarako lezeetan. Parte hartu nahi duen oro ongi etorria da (kultura@sare.fr edo 06 16 68 65 98).
Otsailaren 14a, larunbata, eske eguna izanen da eta etxez etxe ibiliko dira Etxola gaztetxekoak eta plazako barazki eskea eginen dute Txinparta eta Zazpiak Bat elkartea. Goizez, 10:30ean, irakurketak izanen dituzte Mediatekan.
Otsailaren 15ean, igandean, 11:00etan ihauteri izanen da plazan: dantzak, zanpantzar, salda…