Sarako zentro sozialean bazkaltzen dutenek, erretreta soldataren arabera ordainduko dute

Ttipi-Ttapa 2026ko urtarrilaren 4a

Sarako Herriko Etxean egindako bilkuran erabaki zuten zentro sozialean bazkaltzen dutenei erretreta soldataren arabera pagaraztea.

Aitzin horretan bilkura iragan da Sarako herriko etxeko gelan. Buxetaren antolamendua bozkatua izan da, zeren 34 jenderi bazkaria ematen zaie astean bortz eguerditan eta horren gastua handia da. Zahar etxeko sukaldariek eta Arka ostatuak erdibana prestatzen dituzte bazkariak eta, denean bezala, hor ere prezioak altxatu dira.

34 saratarrei ematen zaie bazkaria astean bortz egunez

Pentsamendu bat izan dute bilkuran, erran nahi baita, bazkari horiek egiten dituztenek beraien erretreta soldataren arabera ordaintzea: gutienek prezio ttikiena ordaintzea eta, soldataren arabera bertzeek handiago. Zeren ez baita aski bazkari horiek partitzea, horretarako espresuki autoa eta langilea behar baitira.

Beraz jende horiei herriak galdera eginen die, beraien urteko zergen dokumentazioa aurkezteko, jakiteko bakoitzak zer beharko duen pagatu.

Horra buxetaren saindamendua eta ondotik, urtea bukatzeko, hurrupa bat egin zuten errege pastizarekin.

Gizartea Xareta Sara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun