Haira Aizpurua bertsolari saratarrak irabazi du Xenpelar Saria

Ttipi-Ttapa 2025eko abenduaren 9a
Deskargatu Info Ahotsak :
Español English Français Català Galego

Haira Aizpurua sariketako irabazlea txapeldunaren agurra kantatzen.

Atzo arratsaldean jokatu zuten Errenteria Niessen antzokian Xenpelar Sariko finala. Juan Frantzisko Petriarena Berrondo, 'Xenpelar' bertsolariaren omenez jokatzen da bertsolari gazteen sariketa. 

Sei lagun aritu ziren kantuan atzoko finalean eta horien artean Haira Aizpurua Ibargarai saratarra izan zen irabazle June Aiestaranen kontra buruz burukoa jokatuta. Bertso onenaren saria ere Haira Aizpuruarentzat izan zen. Eskualdeko bertze bertsolari bat ere aritu zen kantari finalean: Josu Txoperena Iribarren lesakarra. Borzgarren postuan sailkatu zen. 

Honela gelditu zen sailkapena: 

  1.  Haira Aizpurua
  2. June Aiestaran
  3.  Irune Basagoiti
  4. Izaro Bilbao
  5. Josu Txoperena
  6. Kattalin Arabolaza

Sei finalistek saio ederra egin zuten 150 entzuleren aitzinean. 

Kultura Xareta Sara

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun