Azaroaren 25a da emazteek jasaten dituzten indarkerien aurkako nazioarteko eguna. Lapurdi 1609 elkarteak egun horretarako omenaldia antolatua du Senperen, 1609ko sorginkeriaren kontrako auziaren biktimei buruz, emazteak baitziren gehienak.
Asteartean 18:00etan hasiko da Nestor Basterretxearen 'Oroit Mina' obraren saihetsean
Azaroaren 25ean, 18:00etan, omenaldiaren diskurtsoa, Nestor Basterretxearen Oroit Mina obraren saihetsean eginen dute, baita biktimen izenekin beteriko plakaren ezartzea ere. Gero, aurreskua, dantzak eta bertsoak. Segida izanen da Larrekon, zintzur bustitze eta mutxikoak. Asisko Urmenetaren Sorgina banaiz filma proiektatuko da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.