Dantxarineko bentek hamabigarren urtez antolatutako Pintxoaren Asteko lehiaketako irabazleak jakinarazi zituzten igandean. Hamabigarren edizio honetako irabazlea Julen Zubieta, Peio Benta-Landibar jatetxeko sukaldaria izan zen, Baxurde pintxoarekin: Basurde brandadaz betetako kanutilloa gaztaina kremarekin.
Epaimahaia Iñaki Ariztia Urdazubiko alkateak, Aitor Etxeberria Berako Txurrut jatetxeko sukaldariak, Maurice Izabal Ainhoako Ithurria jatetxeko sukaldariak, Ramuntxo Santesteban Baionako Otaño arraindegietako sukaldariak, Santiago Villares Urdazubiko alkate ohiak eta Txomin Iribarren Dantxarineko Merkatari eta jatetxeetako elkarteko lehendakariak osatu zuten.
Bertzalde, Biok-Drunken Duck (C.C. Axular) bentak QR aplikazioaren bidez botoa eman zuten bezeroen saria lortu zuen Orein raviolia Martini eta Gaztaina saltsa eta garrapiñatuekin osatutako pintxoarekin.
Azkenik 200 euroko txekea ere zozketatu zuten, bentetan paratutako QR kodeen bidez botoa eman zutenen artean. Ekitaldiaren akaberan, hurrengo edizioan nahitaezko bi osagaiak zein izanen diren erabaki zuten: sasoiko barazkiak eta itsaskiak.