«Etiketa politikorik gabe» zerrenda gisara aurkeztu dute, 28 eta 69 urte arteko 31 hautagaiek (15 emazte eta 16 gizon) osatua, «lan eremu guztien ordezkari direnak». Xede argia du Hats Berri taldeak, «gure eskumenak denen zerbitzura jartzea, eraginkortasuna, justizia soziala eta etorkizuneko ikuspegia uztartzen dituen proiektu bat eramateko».
Beraien proiektuak zazpi ardatz nagusi ditu: Senpertarrengandik hurbilago den herriko etxe bat izan, gure bizi ingurumena hobetu, guztiendako bizitegi eskuratze bat, gure laborariak eta tokiko laborantza sustengatu, trantsizio ekologiko konkretua kausitu, susperraldi ekonomikora heldu eta belaunaldien arteko lotura soziala indartu.