Kulturarekin lotutako hitzordu garrantzitsu batekin hasiko dute urria aurten Urdazubin. Europako Ondarearen Jardunaldiak antolaturik, Berroberriko/Alkerdiko leizeetara bisita egiteko aukera izanen da urriaren 4an, larunbatean. Bisitan Berroberriko koban sartzen ahalko da, ondoan dagoen Alkerdi 1 kobazuloaren paretetan grabatu zuten gizakiak bizi izan ziren lekuan. Azken horretan, Nafarroan ezagutzen diren labar artearen adierazpen bakarrak ikusiko dituzte, duela 12.000 urtekoak. Paretan grabatutako bisonte, zaldi eta oreinen irudikapenak ezagutzeko aukera ere izanen dute.
Berroberria/Alkerdiko leizeetara bisita egiteko aukera izanen da, labar artea ikusteko
Bisita honetarako esku argia eta kaskoa eramatea gomendatzen dute, bizikletakoak balio du. Bisita honetaz gozatu nahi duen pertsonek, urriaren 4an, larunbatean 11:00etan herriko plazan agertu beharko dute. Hortik oinez joanen dira kobazuloetaraino denak elkarrekin.
Aitzinetik, irailaren 26an, joan den ortziralean, Salbatore monasterioko museoa bisitatzeko aukera ere izan zuten bisitariek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.