20:30 aldera, partidak akitu ondotik, hasi zen epaimahaia kategoria bakoitzeko irabazleen izenak erraten. Hauek izan ziren Catherine Marchandek (gastronomia kazetaria), Julien Lamothek (Urbia jatetxea) eta Xabier Izabalek (Ithurria jatetxea) osatutako epaimahaiak aukeratutako saridunak:
Estilo tradizionalean Marixan Iturria izan zen garailea eta bigarren Maria eta Teresa Luque izan ziren. Estilo librean, Felix Puentek eskuratu zuen lehen saria eta Mireia Martinezek bigarrena. Azkenik, estilo profesionalean, Indiano Baita izan zen nagusi. Hurbildutako guziek tortilla guztiak dastatzeko aukera izan zuten, baita momentuan prestatutako txistorra eta xingarra ere.
Aipatzekoa da, hiru hauek garaile suertatu baziren ere, aurkeztutako 15 tortillek ikaragarrizko maila erakutsi zutela. Zorionak parte hartzaile guztiei!