Programa honetan, Euskal herriko bistak airez ikusteaz gain, historia, tradizioa eta mitoak ere kontatuko, dira baina musikak ere garrantzi handia izanen omen du, programa bakoitzerako bere musika propioki konposatua izanen delako. Bederatzi ataleko sorta bat izanen da, bakoitza 50 minutukoa, eta ETB1en zein ETB2n emanen dute.
Zugarramurdiko saioaren kasuan, Neomak taldeak paratuko dio musika programari, eta bortz urdazubiar ere aritu ziren antzezle lanak egiten, figurante bezala. Luze joan zen grabaketa, arratsaldeko hiruetan hasi baitzen eta gauerdian finitu.
Neomak musika taldea 2019an sortu zuten folk taldea da, pandero eta perkusiotik abiatu eta abangoardiara jotzen duena, bai estetikoki eta baita musika aldetik ere. Zazpi partaide ditu, haietako hiru arrasatearrak dira eta gainerakoak Deba, Zarautz, Zizurkil eta Asteasukoak.