Pilotaren Unibertsoa jaialdia eta tortilla lehiaketa izanen dituzte abuztuaren 2an Urdazubin

Azken urteetako ohiturari eutsiz, Pilotaren Unibertsoa jaialdia eta tortilla lehiaketa izanen dituzte abuztuaren 2an Urdazubin. Larunbatean 19:00etan hasita, esku pilota, pala, paleta eta zesta punta erakustaldiak eginen dituzte. Gero, herriko sukaldari finen erakustaldia izanen da, urteroko patata tortilla txapelketa eginen baita. 19:00etatik 19:30era tortillen aurkezpena eginen dute. Urteroko gisan, 20:30ean epaimahaiak hiru modalitate sarituko ditu lehiaketan: patata tortilla tradizionala, estilo librekoa eta profesionalek egindakoa. Kategoria bakoitzeko lehen bi sailkatuendako sariak izanen dira.