Larrungo treinak, Saratik Larun mendi goraino igaten denak, 101.urteurrena ospatzen du aurten, eta turismoa asetzeko egin zen helburu berarekin segitzen duela azaldu du Jenofa Zubirik, arduradun komertzialak. Baina helburuaz gain, gehiago mantentzen duela aipatu du: «Hastapenetik itxuraz iguala da trena eta horrek denboran gibelera bidaiatzea ahalbidetzen digu, burbuila batean barnean gaudela sentiaraziz».
Berriki, erreserba bidezko bidaia mota berri bat gehitu dute, gida batek zuzentzen duena. «Gida inguruko paisaiaz gain, mugako kontrabandoari buruz mintzatzen da, denboran gibelera bidaiatzera derrigortuz eta oraingoaz deskonektatzea ahalbidetuz». Horrez gain, inguru naturala apreziatzeko aukera ezin hobea da, faunaren eta landareen inguruko azalpenak ere ematen baititu gidak.