«Larunbatekoan Azkar mendia igotzen da lehenik, gero Argandoita inguratu, igo eta herrira itzultzen da. Igandeko ibilbidea, berriz, duela bi urte aldatu genuen, eta orain ibilbide aski politago bat sortu dugu eta lehenengo 7 kilometroetan kostalde dena ikusten da».
Bi ibilbideek berezitasun bera dute: «Zaku bat bizkarrean hasten eta bukatzen dute lasterkariek proba, kontrabandisten historia ez ahazteko». Bi lasterketa antolatuta, parte hartzaileek biak egiteko aukera dute: «Bada jendea lasterketa motz eta esplosiboak nahi dituena, eta maratoi erdian gehiago dosifikatzeko aukera dago, erritmoa mantentzekoa». Bien artean, «pertsonalki, gaueko lanekoak xarma berezia du, bertze mundu bat da bai ikusteko eta baita egiteko ere».
Probak urrian izanen badira ere, prestaketa lanak hasiak dituzte dagoeneko, eta aurten seguru aski sorpresaren batekin gainera. Dena antolatzeko Urdazubiko herritar aunitz inplikatzen dira probako bi egunetan: «laguntzaileen laguntzagatik ez balitz ez genuke lasterketarik eginen».