Uztaritzeko 55 ikaslerekin eta Urdazubi-Zugarramurdiko 36rekin (DBHkoak ez ziren sartzen), sei talde osatu zituzten, adinak eta herriak nahasita, sei txokotan jostatzen aritzeko: Txapak, Bat, bi, hiru…, Koxkor biltzea, Zaku lasterketa, Arrautza-goilara, Txingak… Urdazubi-Zugarramurdiko DBHko ikasleak, berriz, jokoak gidatzeaz, taldeei harrera egiteaz, materiala prestatzeaz eta jokoak azaltzeaz arduratu ziren.
Aipatu bezala, goiz pasa ederra egin zuten eta Uztaritzeko ikasleak bazkaltzera joan ziren, eta Urdazubi eta Zugarramurdikoak, bakoitza bere eskolara.