Larhungo Mediateken Sarearen parte da, bertze sei herrirekin batera: Donibane Lohizune, Arbona, Azkaine, Ziburu, Getari eta Senpere. «Harpidetza urririk da eta karta bakarra dugu, zazpi liburutegietan erabiltzen ahal dena. Gainera, liburuen trukaketak ere egiten ditugu».
Liburuak hartzeko edo irakurtzeko tokia baino gehiago da mediateka: «ipuin kontaketak eta eskulanak egiten ditugu hilabetean behin, irakurle taldearen bilerak era izaten dira eta ikastola eta eskoletako ikasleak etortzen zaizkigu». Hortik kanpo, «Ikusi Mikusin, Idazleen Biltzarrean, Kontrabandisten Lasterketan, azoketan… ahal dugun gauza guztietan parte hartzen dugu».