Larunbatean antolatua zuten familien arteko haitadan hamabortz helduk eta hamar haurrek hartu zuten parte
Zugarramurdiko eskolako patioak behar beharrezkoa zuen konponketa eta aldaketa egitea, eta larunbat honetan, ekainaren 7an egindako familien arteko haitadaren ondotik arras itxura polita hartu du.
Lan handia egiteko zen, baina laguntza polita muntatu zenez (hamabortz heldu eta hamar haur) hau dena egitea lortu zuten: koloretako kubiertetan lore eta landare aromatikoak landatu bide bazterrean; traktoreen kubierta handiekin jostatzeko estruktura bat; kable-bobina eta zurekin mahai bat eta aulkiak; pistaren pareta txuritu.
Helduek probetxuko lana egin zuten, eta haurrendako ere, jostetaren bidez, helduengandik ikasteko manera bat izan zen.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!