Sei bertsolari ariko dira kantuan larunbatean Itsasuko Sanoki gelan eginen duten finalean: Amaiur Aizpuru Eskisabel, Goizane Etxeberri Lopepe, Nahia Etxeberri Lopepe, Unax Aizpurua Ibargari saratarra, Leina Alhat Larrandaburu eta Gana Berhokoirigoin Zubeldia.
Larunbateko finalaren ondotik jakinen da zein bertsolari ariko diren Arantzan heldu den larunbatean, hilaren 14an, eginen den finalean. Oraingoz honakoak dira sailkatuak: Nafarroatik, Kattin Madariaga aranztarra eta Kattalin Mendia leitzarra, Gipuzkoatik Egiar Otegi eta Suhar Gesalaga; Arabatik Jokin Onaindia eta June Astegieta eta Bizkaitik Enara Gallastegi eta Ekhi Zuluaga.