Zugarramurdiarrak kamiseta arrosa soinean, saratarrak xuriarekin, beratarrak urdinarekin, urdazubiarrak gorriarekin, etxalartarrak laranjarekin eta ainhoarrak berdearekin. Herri bakoitzaren bereizgarri, bakoitza bere kolorea soinean atera zen larunbatean Herri Haitadan.
Bote luzean, bizikletan, lasterka, bertsotan, musean, herri kiroletan, dantzan, sukaldaritza proban, kultur quizz proban... Lehian ibili ziren egun osoan sei herrietako herritarrak, eta Bera izan zen irabazlea. Bere gibeletik gelditu ziren Ainhoa, Etxalar, Sara, Urdazubi, eta Zugarramurdi. Baina lehiatik haratago, eguna giro ederrean joan zela eta helburuak bete zituztela adierazi dute antolatzaileek: «herrien arteko harremanak sakontzea, euskaraz aritzeko plaza izatea, mugak jartzen duen marrari salto egitea, eta azkenik, ongi pasatzea».
Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!