Giro beroan joan zen finala, 200 lagun baino gehiago bildu baitziren bertsolarien jarduna aditzeko. Hiru bikote aritu ziren kantuan: Unax Aizpurua eta Aroa Arrizubieta, Maddi Aiestaran eta June Aiestaran eta Eki Zuluaga eta Gorka Pagonabarraga. Lehen fasea jokatuta, buruz burukoan aritu ziren lehen bi bikoteak lehen fasean kanporatutako bikoteek hala erabakita. Saio amaieran, publikoak Unax Aizpurua eta Aroa Arrizubieta jo zituen irabazle.
Txapela hartu zuten irabazleek saritzat, eta bientzat bakarra zenez, erditik moztu eta bertsolari bakoitzak erdia eraman zuen etxera.
Bideoan, Arrizubietak eta Aizpuruak finala irabazi ondotik kantatutako agurra ikusi daiteke.