Kultura aldetik, arras animos hasiko dute udaberria Zugarramurdin, hainbat ekitaldi ikusteko aukera dutelako. Alde batetik, zinema zikloa izanen dute hiru ortziralez,19:00etan, museoko auditorioan. Film hauek berezitasun bat daukate: zuzendariak emaztekiak direla. Ortzirale honetan, apirilak 25, Isabel Herguerak zuzendutako El sueño de la sultana, 2023ko animazio filma ikusteko aukera izanen dute.
The dream of the Sultana Begum Rokeya Husseinek 1905ean idatzitako Indiako kontakizun feminista da. Ines animaziozko zuzendari espainiarra da, 30 urte ditu eta Ahmedabaden dago bere maitale indiarrarekin harremana eteteko. Kasualitatez, liburu-denda batean sartu da, eta emakumeek gobernatutako alegiazko herrialde bat kontatzen duen eleberri hau aurkitu du. Egilearen historiak eta jarrera urratzaileak liluratuta, Inesek film bat egitea erabaki du.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.