Joan den urtean hasitako ohiturak badu segida Urdazubin. Apirileko lehen larunbatean, hilaren 5ean, hainbat herritar bildu ziren herriko plazan 08:30ean. 30 lagunak bildu zirenean, plazatik abiatu eta bederatzi kilometro inguruko itzuli ederra eman zuten, eguraldia lagun zutelarik. Usadioa den bezala, Koxka jatetxean egindako bazkari eder batekin borobildu zuten eguna. Argazkiak: Arantxa Etxeberria
Udazkenean izanen da berriz Urdazubiko xoko ederrez gozatzeko aukera. Horretaz gain, hilabeteko lehen igandean ere izaten da aukera itzuli ttipiago bat emateko. Igandeetako hitzordua ere 08:30ean izaten da. Eguraldia goxatzen hasi den honetan, ez da aitzakiarik txangoa egiteko!