Iparraldeko Pilota Batzordeak antolatutako trinketeko esku huskako buruz buruko txapelketako finalak jokatu dituzte apirilaren 6an Donibane Garaziko Garat trinketean. Lehen mailako finalean, Sarako Izarrako Betti Gurrutxagak 40-26 irabazi zion Lau Herri taldeko Nicolas Dufauri.
Sortzez Luhusokoa da Gurrutxaga eta Airetik pilota elkartean jokatzen zuen 2022ra arte. 2022ko uztailean pilota klubez aldatu eta Sarako Izarrara etorri zen. Bere lehen txapel handia lortu zuen igandean Sarako Izarra elkartearendako.
Goitiko argazkian, Paxkal Daguerre (Lau Herri elkarteko lehendakaria), Gilbert Ducassou epailea, Nicolas Dufau, Betti Gurrutxaga, Gurrutxagaren aita eta Patrick Mariluz Sarako Izarrako arduradunak, René Muskarditz (Iparraldeko Pilota Batzordeko Esku Huskako arduraduna), Geneviève Karrikart (Goizeko Izarra elkarteko lehendakaria) eta Henri Errandonea saratarra (Iparraldeko Pilota Batzordeko lehendakaria) ageri dira.
Igande arratsaldeko hirugarren eta azken finala izan zen lehen mailakoa. Aitzinetik, 22 urtez beheitiko finala irabazi zion Oztibartarrak taldeko Ibai Etxeberri-Bortheirik Zaharrer Segi taldeko Xalbat Ibarrolari. Segidan, bigarren mailakoa jokat zuten eta Amikuzeko Florian Mendiburuk irabazi zion Itsasuarrak taldeko Estebe Parachuri.