20 minutuko kontzertu honetan Maurice Ravel - Iparraldeko Kontserbatorioko ikasleek, perkusioa, harpa, gitarra eta akordeoiarekin, bakoitzak lurreko elementu bat irudikatuko dute: ura, lurra, sua eta airea.
Inprobisazioan oinarritua, emanaldi honek elementuen dantza sinbolizatuko du, Lau Buruko sinboloaren oihartzuna. Ikusleak lezearen bihotzean murgilduko dira, musikariez inguraturik, esperientzia sentsorial ahaztezin baterako.
Kontzertuaren ondotik, musikagilearekin solasaldia izanen da, lanaz eta sormen prozesuaz hitz egiteko parada.
‘Xortaz xorta’ programaren barnean Elementuen ospakizuna eskainiko dute 18:30ean eta 19:45ean hasita
Iparraldeko Maurice Ravel Kontserbatorioko ikasleek lau elementuen inguruko bidaia musika eginen dute apirilaren 5ean, larunbatean Sarako lezeetan, Elementuen ospakizuna kontzertuarekin. Sylvain Griotto musikagilearen sorkuntza da, espresuki Sarako lezeetarako sortua. Hasieran 19:45ean eskaini behar zuten kontzertua, baina, lekuak agortu direnez, bigarren emanaldi bat ere prestatu dute, lehenago, larunbatean 18:30ean. Xortaz Xorta programaren barnean dagoen emanaldirako leku gutti gelditzen dira eta lehenbailehen eman behar da izena.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun