Euskal Telebistako SOS Kantak Arriskuan programa egiten dutenak izan ziren Zugarramurdin otsailaren lehenbiziko astean. Karrikaz karrika ibili ziren kantari boluntarioen bila, eta azkenean taldetxo bat elkartzea lortu zuten. Bi egunez entseguetan aritu ondotik, herritarren eta kameren aitzinean aitzinean kantatu zuten museoko auditorian otsailaren 6an. Eskaini zuten kantua Neronek ikusi dut da, eta zortziko erritmoan, Azkar aldean 7.000 sorgin elkartu zirela kontatzen du. Otsailaren 27an emanen dute ETB1en, ortzegunean 22:20ean. Maria Amolategik, Klara Mendizabalek eta Iker Laurobak gidatzen duten saioko denboraldi berriko lehen emanaldia izanen da.
