Lapurdi 1609 elkarteak antolaturik, ederki iragan zen otsailaren 15ean bertso saioa eta krakada Senpereko Larraldea baserrian. Pixka bat intimitatean, publiko murritz batekin, halere gozotasuna eta umorea nabari zen larunbat arratsaldean. Durangotik jina Unai Iturriaga, Hendaiatik Miren Artetxe, Aimar Karrika gai emaile eta Ainhoa Elizondoren musikarekin iragan dira ariketa musikatuak.
Bertze gai batzuen artetik punttuka segitu dute, librean, Larraldea baserriaren gaia luze eta zabal jorratuz: «Hainbat urtez elkarteei eskainia izan den etxe ederrari bide berria aurkitu egin beharko zaio». Bertsularien koplen artetik, publikoak Milesker Larraldeari leloa errepikatuz aitzineratu da saioa, ildo horretatik: Larraldeaz zer egin?