Zugarramurdiko Sorginen Museoko teilatuak duen orientazio ona baliatuz, eguzki panelak eman zituzten abenduaren bukaeran. Instalazioak 35 modulu ditu, eta bakoitzak 590 watteko potentzia du. Gisa honetara, kalifikazio energetikoa hobetu du, C kategoriakoa izatetik B kategoriara pasatuz.
23.535 euroko inbertsioa
Instalazio hau egiteko inbertsioa 23.535 eurokoa izan da, baina Energia zirkularreko proiektuak finantzatzeko funtseko dirulaguntza izan du. Funtsean, argindarrean dirua aurreztea da egitasmo honen helburu nagusia eta, bidenabar, ingurumena zaintzeko urratsak ematen direnez, hainbat eta hobe.