Sarako Izarra errugbi taldeak antolatutako mus txapelketa jokatu zen urtarrilaren 25ean Lur Berri gelan. Izugarrizko errekista izan du: 54 talde baziren eta ainitz jende etorria jokalarien sustengatzera, gela ongi betea zen. Irabazleak Donapaleuko Barnetxe eta Etxebazter izan ziren eta finalistak Azkaingo Hubert eta Dominique. Argazkiak: Ganex
Txapelketa jokatzen baziren bi ahizpa ttiki ere, Ainhoa eta Elena Malet, musak etorkizuna baduela erakutsiz. Larunbatean berandu bukatu dute, ez da harritu behar hainbertze talderekin, baina nahi zuenarentzat bazen talo, ogitarteko eta edateko. Izugarrizko umore onean bukatu dute haitada. Hainbertze jende ikusita, ohartzen dira jendeak errugbia segitzen eta sustengatzen duela eta horregatik, Sarako Izarra errugbi taldeak denak eskertu ditu ditu.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.