Urtezahar egunean ohitura berriak izan dituzte Zugarramurdin

Urtezahar egunerako deialdia berezia egin zuen Zugarramurdiko Akelarre elkarteak eta kontent gelditu dira erantzunarekin. Dozena bat lagun igan ziren Atxurirat goizean, eta afaltzeko hogei bat lagun bildu ziren Akelarrenean. Eta Zugarramurdin sekula egin ez den erritoa "inauguratu" zuten: gauerdian Mukuruxtako iturrirat joan ziren eta handik ur berria edan zuten.