Urdazubi-Zugarramurdiko guraso taldea eskolako jangelarako dirua biltzeko lanean ari da. Helduendako magia ikuskizun bat antolatu dute abenduaren 21erako. Larunbatean 21:00etan izanen da kultur etxean eta ondotik pintxoak eta zozketak izanen dira.
Guraso taldeak hainbat ekintza egin ditu ikasturte honetan, eskolako jangelarako dirua biltzeko helburuarekin. Kamisetak, kirol jertseak, botoilak eta poltsak salmentan eman ondotik, helduendako magia ikuskizuna antolatu dute larunbaterako. Edozein zalantzari buruz galdetzeko edo izena emateko telefono honetara deitzen ahal da: 679 30 40 03.