Pontx pailazoaren proiektua aitzinera zihoala ikusirik, ikusgarri guzti hauek produzitzeko bere elkarte propioa sortu zuen 2020an, Horkonpontx izenarekin. Pontx pailazoaren ikusgarrien eta animazioen gibelean den elkartea da Horkonpontx. Azken honek clown/pailazo ikusgarrien produkzioa eta aurkezpenak produzitzen ditu, euskaratik eta euskaraz. Jendeari alaitasuna, umorea eta euskarazko antzerkia helaraztea du helburu, baita haurrei zuzendutako animazioan, ospitale arloko parte hartzean eta euskararen bultzatzean parte hartzea ere. Ipar Euskal Herrian ibiltzeaz gain, hego Euskal Herrian ere saioak eskaintzen ditu. Oholtza gaineko esperientzietatik haratago, zahar etxeetan ibili izan da, baita bertze ekitaldietan ere.
Pontx pailazoaren ‘Denak Plazara’ ikusgarria Saran estreinatuko dute azaroaren 16an
Pontx pailazoa ikusgarri berriarekin dator. Azaroaren 16an, Saran estreinatuko du Denak Plazara ikusgarria, Lur Berri gelan, larunbatean 17:30ean. Berrikuntza aunitzekin dator ikusgarria eta lehen aldiz Pontx (Joanes Etxebeste) ez da bakarrik ibiliko oholtza gainean, Alazne Etxeberria aktoreak bi pertsonaia gorpuztuko baititu; pertsonaia berriak, abentura berria eta noski, jadanik eskuragarri den disko berriarekin.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun