Baina hemen Jean-Michel Garat eta Daniel Laplacette, lehengo Argi Bideko lehendakariek ere ohore handiak egin dizkiote Therese-ri, bere lanari esker manifestazione ainitz antolatu eta eraman baitira bururaino: Idazleen biltzarra, kontrabandisten lasterketa, Ihauteriak, ezkila dorrearen bisita, ahantzi gabe hiru eskoletako haurren margo txapelketa eta bertze.
Battite Laborde auzapezak oparia eman zion Zundari eta kontseiluko Pierre Higoyenek Guijarot-i. Argi Bideko lehendakariek lurrezko bi pota handi ere eman zizkioten. Kontseiluko oraingo eta lehengo ordezkariak, baita laneko beraien lagunak denak hor ziren etorriak, erretreta on bat desiratzeko beraien familiekin, alaitasunean, ainitz urtez. Ondotik bazen zintzur bustitzekoa, jateko eta edateko.