Igandeko egitaraua hasteko, 10:00etatik 12:00etara Keinu Gelan Ez Kexaren eta Le Petit Bordel de Moda Luixaren merkealdia izanen da. 10:30ean meza izanen dute. 11:30ean errebote partida jokatuko dute. 12:30ean Zazpiak Bat taldearekin euskal dantzak eta Txinparta erraldoien desfilea eginen dute. 13:00etan aperitifa eta bazkaria izanen dute. Herriko lau jatetxetan, Arka, Arraya, Mimosa eta Kafia jatetxetan, usoa protagonista duten menuak eskainiko dituzte, 30 eurotan.
Bazkalondoan, 16:00etan herri kirolak izanen dira plazan eta 17:00ean kontzertua elizan, Erlauntza abesbatzak alaiturik. 18:30ean, kontzertua The Six Toys taldeak alaturik.