Urtero moduan, lurraldekako lehiaketetan sailkatutako gazta onenek parte hartu zuten txapelketaren 41. edizio honetan, guztira 35 gaztagile. Kortarikoarekin batera, Gabiriko Baztarrikak eta Egozkueko Loperenak osatu zuten podiuma, bigarren eta hirugarren postuan.
Lehen saria hartu ondotik «arras gustura» azaldu zen Julen Arburua Orabideko artzaina. Otsailaren 22an egindako ketu gabeko gazta bat aurkeztu zuen lehiaketara.
Herritarrek, dastaketa herrikoian hainbat gazta probatzeko aukera ere izan zuten, bakoitzari bere puntuazioak eskainiz. Gazta guztien artean, Elgoibarko Mausitxa gaztandegikoa izendatu zuten onena bertaratutakoek.
2024ko Euskal Herriko Gazta Txapelketako Sailkapena
- 1. S.C. Kortaria (Lekaroz)
- 2. Baztarrika (Gabiria)
- 3. Loperena (Egozkue)
- 4. Mausitxa (Elgoibar)
- 5. Eneko Goiburu (Segura)
- 6. Aizpea (Olaberria)
- 7. Larrabe (Agiñiga)
- 8. Joseba Insausti (Ordizia)
- 9. Ander Barandiaran (Idiazabal)
- 10. Galtzata (Oiartzun)