Mendi ibilaldi eder batez gozatzeko aukera izan zuten hurbildutako guztiek larunbat goizean. Mus eta pilota txapelketen finalak jokatu zituzten gero. Musean Aitor Rementegi eta Jon Ollo izan ziren garaile Mikeli Azkarraga eta Jaione Perurena ama-alabei irabazi ondotik. Pilotan, berriz, Ibai Agesta eta Luhai Juanena izan ziren garaile, Oier Elorgari eta Aitor Ariztegiri partida irabazi ondotik. Gero, denek bazkari eder batekin ospatu zituzten Leorlasko bestak. Gaua heldu bezala musika doinuak eta afariak borobildu zuten eguna. Argazkietan ikusten denez, giro ederra izan zen irailaren 20an eta 21ean Leorlasen.