Bigarren urtez ospatuko dituzte aurten Urdazubiko Leorlas auzoko bestak eta joan den urteko arrakasta ikusirik, egitarau zabala prestatu dute heldu den irailaren 20 eta 21erako.
Ortziralean hasita, arratsaldean,17:00etan emanen diote hasiera bestei mus eta pilota partidekin. Ondotik, zintzur bustitzea egonen da hurbildutakoentzat.
Larunbat goizean, 09:00etan, mendi ibilaldi bat eginen dute eta ondotik, 11:30ean, mus eta pilotako finalak jokatuko dituzte. 14:00etan bazkari eder batekin emanen diote segida egunari, Joxe Angelen dantzaldiarekin animaturik. Eguna borobiltzeko, iluntzean, afari pikoteo batez gozatzeko aukera izanen da, bestei behar bezalako akabera emanez.