Sarako lezearen esplorazio originala ipuin eta elezaharren bidez proposatu dute ekainaren 28an, ortziralean 18:30ean hasita. Ttikiak (frantsesez) eta Maddi Zubeldiak (euskaraz) lagundurik, lezearen bihotzean bidaia liluragarri bat egiteko proposamena egin dute, «Sarako lezearen edertasuna eta bere misterioak ikuspegi berri batetik ezagutzeko bisita originala». Helduek 6,50 euro ordaindu beharko dute eta hamar urtetik goitiko haurrek 5 euro.