Ibilaldi luzeko izena ematea 06:30etik 07:30era egin beharko da (15 euro) eta irteera 07:00etatik 07:30era eginen dute mendizaleek. Ibilaldi ttikiko izen-emateak, berriz, 08:30etik 09:15era egin behar dira eta irteerak 09:00etatik 09:30era.
Ibilbidea
Ibilbide luzea Sarako plazatik abiatuta, Zuhalmendi, Santinazio (6 km, jan-edariak), Ardi borda, Altsanga, Zizkuitz (12,5 km, jan-edariak), Larun Ttiki eta Gomendiagako lepotik (18,5 km, jan-edariak) igaroko da, berriz ere Sarako plazara itzuliz. Ibilaldi ttikia berdin hasiko da, baina Ardi borda eta gero herrira bueltatuko da.
Antolatzaileek aipatu dutenez, osasun postuak jarriak izanen dira eta ez da inolako sailkapenik egonen, ez baita lasterketa bat. Itzulia euskaraz egiteko gomita ere egin du Har Hitza elkarteak.