Battite Laborde Sarako auzapezak solas batzuk egin zituen, eskerrak emanez Andoni Etxenikeri eta bere taldeari, «Sarako herria aberastu dutelako, ez diruz, lan horren jakitatez baizik. Altxor hori berriz berreskuratzea zoragarria da». Amets Arzallusek ere bertso dotoreak bota zituen:
Bizitzak sua beharrezko du, eta suak ikazkintza
Baina txondorra ez dut eza(g)utzen, (e)ta ez dakit nola mintza
Baina hemen bai gauza ederra da, behintzat gal ez dadin hitza
Eta gogoan izan dezagun, arbaso zaharren bizitza.
Goizuetatik eta Sarara, Katerik ez bedi hautsi
Baina egitea da errexena, orain ez dakar lan gutxi
Txondorrak bi gauz egiten ditu, sugaia eman eta utzi
eta guk maite ditugun gauzak, nola zaindu erakutsi.