Urte guziz bezala, mendekoste igandearekin, maiatzaren 19an ospatuko dute Olhain ikastolaren besta kiroldegian, sagarnotegiko bazkariarekin. 12:30ean Txootx! kupelen idekitzea eginen dute eta ondotik bazkaria.
Helduen menuan bakailaoa piperrekin, txuleta, gasna, pastiza, kafea eta ttotta izanen dute, 27 eurotan. Hernaniko Akarregi, Astigarragako Oialume Zar eta Lesakako Linddurren borda sagarnotegietako sagarnoa izanen da dastatzeko. Haurrentzako menua ere izanen da, 8 eurotan. Jokoak eta puzgarriak ere izanen dira. Arratsaldean, musika, 18:00etan Basapiztiak taldea eta 20:00etan DJ.Bull.
Etorri ahal duzuen guziak ikastolako haurren sustengatzera.