Larunbatean jokatu zuten Senpereko Larraldea etxean Hernandorena bertsolari gazteen sariketako finala. Irantzu Idoate hazpandarrak irabazi zuen finala, eta bigarren lekuan sailkatu zen Maddi Aiestaran beasaindarra. Eskualdeko ordezkari bakarra, Haira Aizpurua bertsolari saratarra, hirugarren sailkatu zen.
Argazkiak: Bertsularien Lagunak elkartea.
Idoatez, Aiestaranez eta Aizpuruaz gain, Danel Herrarte, Izaro Bilbao eta Jon Mendiluze ere aritu ziren saioan bertsotan. Gaiak jartzen, aldiz, Xalbat Altzugarai aritu zen.
Larraldea betea zela jokatu zuten finala bertsolariek, eta giro biziki ona izan zuten saioan. Saioaren ondotik, merienda izan zuten bertsolariek eta bertaratutakoek.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.