Senpereko SPUC Lasterka taldeak mendiko lasterketen 12. edizioa antolatu du, martxoaren 9an eta 10ean. Larunbatean, 05:00etan abiatuta Tontorrez Tontor, 80 kilometroko lasterketa eginen dute; 08:00etan Gotor-Lekuen Itzulia (42 kilometro); 10:00etan Ibar Run trail (10 kilometro).
Igandean, Senpereko Trail lasterketaren hamabigarren edizioa, 21,5 kilometroko proba ezagunena eginen dute, 09:00etan abiatuta, baita haurren lehiaketa (09:15) eta oinezkoen ateraldia ere (07:00-08:30).
Aurtengo, oinezkoen ibilaldiak berezitasun bat badu, 5 euroko parte hartzea osorik emanen zaio PACS1 sindrome elkarteari. Eritasun genetiko honek hunkitzen du Senpereko neska bat, honen gurasoak ongi inplikatuak dira herriko elkarteetan.