Sarako Izarra errugbi taldeak antolaturik mus txapelketa iragan da otsailaren 24an Lur Berri gelan. 50 talde baziren larunbatean eta irabazleak Eyharbide aita semeak izan dira, Maeva eta Lorearen kontrako finalean. Final ttikiko irabazleak, berriz, Hegoa Oberson eta Maxime Urrutia izan ziren, Antton Etxeberri eta Oihan Iribarreni irabazita. Argazkiak: Ganex
Hainbertze bikoterekin luze joan zen larunbat arratsaldea. Errugbi elkartekoak izugarri kontent ziren, honelako jendeketa etortzeagatik. Ondotik bazen ostatua eta taloa xingarrarekin. Izugarrizko umore onean bukatu da eguna eta Sarako Izarra elkarteak muslari guztiei eskerrak eman dizkie.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.