Izan ere, errepidea hetsia izanen da Apezetxeko bidean, baina elizako aparkalekuan aparkatzen ahalko da. Tokiko biztanleen etxeetara sartzea begiratua izanen da, oinezkoendako bide bat antolatua izanen baita xantierraren denboran. Hondakinen bilketarako edukiontzi gurpildunak lekuz aldatuak izanen dira xantierraren tokiko bi muturretara. Erabiltzaileek erabili beharko dituzte obrek irauten duteno.
Gisa berean, erabiltzaileek zorrozki errespetatu beharko dituzte lekuan ezarriak izan diren aldi baterako seinaleak; hauek lekuz aldatuak izan daitezke xantierra aitzinatu arau. Sarako Herriko Etxeko kontseiluak jakinarazi duenez, «ahal dugun guztiak eginen dugu nahasmenduaren iraupena ahal bezain bat murrizteko» eta aitzinetik eskerrak eman dituzte «zure gogo onaz eta pazientziaz». Neoreseaux enpresako obren kudeatzailea ere herritarren esku egonen de leku berean, xantierraren aitzinamenduari doakion edozein xehetasunen emateko.